Access to Justice Program Picture

अपाङ्गता भएका महिलाको न्यायमा पहुँच विषयक अन्तरक्रिया कार्यक्रम सम्पन्न

नेपाल अपाङ्ग महिला संघ, अष्ट्रेलियन राजदुतावास, यू.एन.डी.पी. र सञ्चारिका समुहको आयोजनामा अपाङ्गता भएका महिलाहरुको न्यायमा पहुँच विषयक अन्तरक्रिया कार्यक्रम काठमाण्डौंमा सम्पन्न भएको छ । सो अन्तरक्रिया कार्यक्रममा नेपाल अपाङ्ग महिला महिला संघकी अध्यक्ष निर्मला धितालले राज्यले अपाङ्गता भएका महिलाहरुको न्यायको लागि नेपाल सरकारसँग मिलेर अगाडि बढ्नु पर्ने बताउदै नेपाल अपाङ्ग महिला संघले अपाङ्गता भएका महिलाहरुको सशक्तिकरणका लागि काम गर्दै आएको बताउनु भयो । त्यसै गरी राष्ट्रिय अपाङ्ग महासंघ नेपालका अध्यक्ष सुदर्शन सुवेदीले सर्वोच्च अदालतले अपाङ्गता भएका व्यक्तिहरुका लागि गरिएका फैसलाहरु कार्यन्वयन हुन नसक्दा अपाङ्गता भएका व्यक्तिहरुको न्यायमा पहुँच पुग्न नसकेको बताउनु भयो ।

सो कार्यक्रममा यू.एन.डी.पी.का उपराष्ट्रिय निर्देशक सोफि केमाखाजी (Sophie Kemkhadze) ले अपाङ्गता भएका महिलाहरुको न्यायमा पहुँच पुर्याउनका लागि उनीहरुका सवालहरुलाई केन्द्र विन्दुमा राखेर काम गर्न जरुरी रहेको बताउनु भयो भने नेपालका लागि अष्ट्रिेलियन राजदुत पिटर वड ( Peter Budd) ले नेपालमा अधिकांश अपाङ्गता भएका महिलाहरुले सहज रुपमा न्याय पाउन नसकेको बताउदै यसको लागि राज्यले उचित साधन र स्रोत उपलब्ध गराउनु पर्ने कुरामा जोड दिनु भयो ।

१०८ औं अन्तर्राष्ट्रिय महिला दिवसको अवसरमा गरिएको अपाङ्गता भएका महिलाको न्यायमा पहुँच विषयमा गरिएको अन्तरक्रिया कार्यक्रममा महिला बालबालिका तथा समाज कल्याण मन्त्री थममाया थापाले अपाङ्गता भएका महिलाहरुको हक अधिकार सुनिश्चित गर्नको लागि भएका नीति नियमहरु कार्यन्वयन गर्नु पर्ने र यसको लागि आफु आवद्ध मन्त्रालयले सक्दो सहयोग गर्न तयार रहेको बताउनु भयो । सो कार्यक्रमको सञ्चालन नेपाल अपाङ्ग महिला संघकी महासचिव मिना पौडेलले गर्नु भएको थियो ।

प्रस्तुत कर्ता: शर्मिला विश्वकर्मा, काठमाण्डौं

स्रोत: सगरमाथा खबर

Leave a Comment

Your email address will not be published. Required fields are marked *